U21 АШТ 2023 шагналт байрын багууд.

U21 АШТ аварга багууд тодорлоо

“Монголын волейболын залуучуудын холбоо”-ноос зохиож буй 21 хүртэлх насны волейболчдын U21 АШТ (аварга шалгаруулах тэмцээн) дөрвөн өдрийн турш үргэлжилж, тэмцээний аварга багууд болон шилдэг тоглогчид тодорсоноор тэмцээн өндөрлөлөө.

Энэ удаагийн тэмцээнд эрэгтэй, эмэгтэй нийт 21 багийн 248 тоглогч, 35 багш/дасгалжуулагчдын багийн гишүүн болон тэмцээний зохион байгуулалтын ард (шууд дамжуулалт, статистик, гэрэл зураг медиа, заал арчилгаа, удирдлага менежмент)-д 20 хүн ажилласан бол дөрвөн өдрийн нийт 47 тоглолтыг 10 гаруй хүний бүрэлдэхүүнтэй шүүгчдийн баг дэнсэлж ажиллалаа.

2023 оны анхны тэмцээнийг санаачлан зохион байгуулсан Монголын волейболын залуучуудын холбоо болон тэмцээнийг бодит биелэлээ олоход тусалж, дэмжсэн ивээн тэтгэгч, хамтран ажиллагч байгууллагуудад талархал илэрхийлье.

Ингээд U21 АШТ 2023 тэмцээний шагналт байрын багууд болон шилдэгүүдийн мэдээллийг хүргэж байна.

БАГИЙН АМЖИЛТ

Эмэгтэй

АВАРГА


U21 АШТ 2023 оны аварга Өвөрхангай Хашхан баг.
U21 АШТ 2023 оны аварга Өвөрхангай Хашхан баг.

Мөнгөн медаль: ХИЛЧИН, Хүрэл медаль: АЛТАН БӨМБӨГ

Өвөрхангай Хашхан баг нь багийн зохион байгуулалт, ойлголцол, гүйцэтгэл тун чамбай байж тэмцээний турш эсрэг багтаа нэг ч сэт алдалгүй түрүүлсэн нь гайхалтай байлаа.

Эрэгтэй

АВАРГА


U21 АШТ 2023 оны аварга Өвнөговь Шанх Транс баг.

Мөнгөн медаль: ЭРЧИМ ДЦС4, Хүрэл медаль: ХЭНТИЙ ШОНХОР

Өмнөговь Шанх Транс баг эхний шатны хэсгийн тоглолтуудад сулхан мэт дутуу гүйцэтгэл, алдаа их гаргаж буй харагдаж байсан ч яван чангарсаар аваргын төлөө Эрчим клубын хүчтэй багийг хоёр үед буулган авч аваргаллаа.

ХУВИЙН АМЖИЛТ

Тамирчдын хувийн амжилтыг статистикт үндэслэн дүгнэсэн бөгөөд холбогч, чөлөөт хамгаалагчийн байрлалын тоглогчдыг тэмцээний шүүгчдийн бүрэлдэхүүн болон зохион байгуулагчдын багийн санал, дүгнэлтийг үндэслэн тодруулсан юм.

U21 АШТ 2023 оны шилдэгүүд.
U21 АШТ 2023 оны шилдэгүүд.

Шилдэг тоглогчдын танилцуулга мэдээллийг тун удахгүй нийтлэлд нэмэх болно.

Мөн тус тэмцээний хаалтын ажиллагааны үеэр:

Ч.Отгонбаяр (МВЗХ Ерөнхийлөгч)

Монголын волейболын залуучуудын холбооны 2022 оны хуваарь тэмцээнүүдийн сүүлийнх нь энэ тэмцээн байсан боловч Үндэсний дээд лигийн тэмцээнтэй давхцан тул хойшлуулсан байсан. Мөн бид төлөвлөгөөнийхөө дагуу 2022 оны турш зохион байгуулсан тэмцээнүүдэд тогтмол оролцож, тогтвортой амжилт үзүүлж буй баг/клубуудаас оны эцэст шилдэг клубыг тодруулахыг зорисон. Ингээд 2022 оны шилдэг эмэгтэй клубээр ХИЛЧИН, эрэгтэй клубээр ӨМНӨГОВЬ ШАНХ ТРАНС клубуудыг нэрлэж, цом гардуулж байна.

Ирэх жилийн U21 аварга шалгаруулах тэмцээнээр эргэн уулзацгаая.

Гэрэл зургийг: П. Ууган-Эрдэнэ, Г. Хүслэн

U21 Хагас шигшээ багууд тодорлоо

“Монголын волейболын залуучуудын холбоо”-ноос зохиож буй 21 хүртэлх насны волейболчдын U21 АШТ (аварга шалгаруулах тэмцээн)-ний хэсгийн шатны тоглолтууд амжилттай өндөрлөж, хагас шигшээ багууд тодорлоо.

Өнгөрсөн 21-ний өдрөөс хойш гурван өдөрт нийт 39 хэсгийн тоглолт болж өнгөрлөө. Эмэгтэй долоон баг шууд хэсгээс шалгарсан бол эрэгтэй 14 багийн дөрвөн хэсэг тус бүрээс шалгарсан хоёр нийт 8 баг дахин хоёр хэсэгт хуваагдаж, сүүлийн дөрвөн баг шалгарч үлдсэн юм.

Эмэгтэй багуудаас Хилчин, Хашхан багууд хожигдолгүйгээр тус тусын хэсгийг тэргүүлсэн бол “А” хэсгийн дэд байраар Ирвэсүүд баг шалгарсан. Харин тус өрсөлдөөнтэй байсан “B” хэсгийн дэд байраар Алтан бөмбөг клубын баг шалгарлаа.

Ийнхүү хагас шигшээ тоглолтууд 24-ний өглөө Хилчин – Алтан бөмбөг багуудын тоглолтоор үргэлжлэх эхлэх болно.

Эрэгтэй багуудаас нэг баг тун онцгой байгаа нь Хэнтий аймгийн нэр дээр оролцож буй Хэнтий Шонхор бөгөөд тэмцээний турш нийт 6 тоглохдоо нэг ч хожигдоогүй төдийгүй өрсөлдөгч багтаа нэг ч сэт/үе алдаагүй хагас шигшээд ирсэн юм.

Тоглогчдын хувийн амжилтаас харахад Хашхан багийн ахлагч Э. Хонгорзул давуулалтын оноо, довтолгооны оноо болон нийт оноогоор бүх эмэгтэй тоглогчдыг тэргүүлж байгаа бол эрэгтэй тоглогчдыг Тэнүүн-Огоо багийн дотвлогч С. Буянтогтох довтолгооны болон нийт оноогоор бүх тоглогчдыг тэргүүлсэн байна. Харамсалтай нь Тэнүүн-Огоо баг хагас шигшээд хараахан шалгарч чадаагүй билээ.

#
14
Нэр
Э. Хонгорзул
Иргэншил
mngМонгол
Байрлал
Довтлогч
Өндөр
172
Жин
62
Цол, зэрэг
ДМ
Одоогийн баг
ХАШХАН
Тэмцээн
U21 АШТ - Эмэгтэй
Улирал
2023
Нас
21
#
15
Нэр
Сүгжин БУЯНТОГТОХ
Иргэншил
mngМонгол
Байрлал
Довтлогч
Өндөр
185
Жин
65
Цол, зэрэг
1-р зэрэг
Дов д/х
310
Хаалт д/х
305
Одоогийн баг
ТЭНҮҮН-ОГОО
Өмнөх баг
НАТУР МЕД
Тэмцээн
U21 АШТ - Эрэгтэй, "Б" ЛИГ
Улирал
2022, 2023
Нас
20

U21 АШТ тэмцээний дэлгэрэнгүй

Тус тэмцээнийг зохион байгуулагчдын зүгээс тэмцээний хүртээмжийг нэмэгдүүлэх, тэмцээнд оролцогч баг, тамирчид, дасгалжуулагчдад тоглолтын дүн шинжилгээ хийхэд дөхөм болох мөн тэмцээнд оролцогч багуудын хөгжөөн дэмжигч үзэгчдийг мэдээлэл байлгах зорилгоор Facebook орчинд хаалттай групп үүсгэн шууд дамжуулж байгаа ажээ.

Энэхүү групп нь төлбөртэй бөгөөд тухайн төлбөрийг шууд дамжуулалт тоног төхөөрөмж, шууд дамжуулалттай холбоотой ажиллах хүчний зардал зарцуулж, багахан хувийг мөн тэмцээний зохион байгуулалтын хүрээнд баг, тоглогчдод зарцуулахаар төлөвлөсөн юм байна.

Та бүхэн Волейболын залуучуудын холбоо хаягаар холбогдож, тус группийн талаар мэдээлэл аваарай.

U21 эрэгтэй хэсгийн тоглолтууд өндөрлөлөө

“Монголын волейболын залуучуудын холбоо”-ноос зохиож буй 21 хүртэлх насны волейболчдын U21 АШТ (аварга шалгаруулах тэмцээн)-ний эрэгтэй хэсгийн шатны тоглолтууд амжилттай болж өнгөрлөө.

Өчигдөр эхэлсэн тус тэмцээний хэсгийн нийт 25 тоглолт явагдаж дууслаа. Ийнхүү эрэгтэй багуудын дөрвөн хэсгээс эхний хоёр байраар шалгарсан багууд тодорж, техникийн зөвлөгөөний үеэр зарлаж байсны дагуу A1-B2-C1-D2 байраар гарсан багууд “А” хэсэгт, A2-B1-C2-D1 байраар гарсан багууд “B” хэсэгт тус тус дахин хуваарилагдсан юм.

U21 - Эрэгтэй 2023 A хэсэг

БайрБагТХ+Х-Сэт +/-О +/-Оноо
13300.0001.3226.0
23212.0001.1764.0
33120.5000.8532.0
43030.0000.7580.0

U21 - Эрэгтэй 2023 B хэсэг

БайрБагТХ+Х-Сэт +/-О +/-Оноо
13211.6671.0644.0
23211.6671.1964.0
33211.6670.9644.0
43030.0000.7870.0

Харин эмэгтэй багуудаас А хэсгийн гурван багаас Хилчин, Ирвэсүүд цааш шалгарч, ДХИС баг энэ удаагийн тэмцээнээ өндөрлүүлээд байна. “B” хэсгийн дөрвөн багийн тоглолт дуусаагүй тул эцсийн байдлаар байрлал тодроогүй байна.

Хашхан баг цааш хагас шигшээд шалгарах нь тодорхой болсон бол хэсгийн дэд байраар Залуу Монгол, Алтан бөмбөг болон 141-р сургуулийн багуудын хэн нь шалгарч, цааш тоглохыг бид маргааш үзэхнээ.

U21 АШТ Техникийн зөвлөгөөн боллоо

“Монголын волейболын залуучуудын холбоо”-ноос зохиож буй 21 хүртэлх насны волейболчдын U21 АШТ (аварга шалгаруулах тэмцээн)-ний техникийн зөвлөгөөн амжилттай боллоо.

Тус холбооноос 2023 оны нэгдүгээр улиралд зохион явуулах тэмцээнүүдийн хуваарьт төлөвлөгөөг гаргасан бөгөөд энэхүү төлөвлөгөөний эхлэл U21 АШТ энэ сарын 21-24 өдрүүдэд Улаанбаатар хотноо, МЖ Спорт зааланд болох юм.

2023 оны нэгдүгээр улиралд зохиогдох тэмцээнүүдийн мэдээлэл

Волейболын залуучуудын холбооны үйл ажиллагаа, зохион байгуулж буй тэмцээн уралдааны тов болон холбогдох мэдээллийг нэгдсэн байдлаар хүргэх вэбсайт.

volleyball.mn

Өнөөдрийн техникийн зөвлөгөөнд МВЗХ-ны ерөнхийлөгч Ч.Отгонбаяр, нарийн бичгийн дарга Б.Даваадаш, нарийн бичиг Б.Солонго, Кор Скорс агентлагийн захирал Б.Мөнхбаатар болон тэмцээнд оролцогч багуудын төлөөлөл оролцлоо. Зөвлөгөөний үеэр багуудын бүртгэлийг эцэслэн баталгаажуулж, хэсгийн оноолт сугалааны ажиллагаа болсон юм.

Холбооны зүгээс зохион байгуулж буй тэмцээнүүддээ статистик бүртгэл, дата мэдээллийг чухалчлан авч үзэхээ илэрхийлсэн бөгөөд үүний тулд шаардлагатай анхдагч мэдээлэл буюу багийн мэдүүлэг, тоглогчдын мэдээлэл стандартын дагуу байх ёстойг онцолж байлаа.

Ингээд эцэслэсэн байдлаар эмэгтэй 7 баг, эрэгтэй 14 баг энэ удаагийн тэмцээнд өрсөлдөхөөр болсон юм.

Тодруулга:
Эрэгтэйчүүдэд 15 баг оролцохоор бүртгүүлсэн байсан ч Уурхайчин баг энэ удаад оролцох боломжгүйгээ илэрхийлсэнээр 14 баг тэмцээнд өрсөлдөхөөр болсон.

Хэсгийн оноолт болон тоглолтын хуваарь, үр дүн, статистикийн мэдээллийг нэгдсэн байдлаар доорх холбоосоор хандаж авах боломжтой.

U21 АШТ Нэгдсэн мэдээлэл

Хэсгийн оноолт, тоглолтын хуваарь, багуудын танилцуулга мэдээллүүд системд байршуулах ажил үргэлжилж байна…

Монгол залуудаа амжилт хүсье…

Хүүхэд насны хүсэл мөрөөдлөө биелүүлж, халуун дулаан Тайланд улсын үндэсний (дээд) лигт ур чадвараа сорихоор зорисон залуу бол Монгол улсын шигшээ баг, дээд лигийн аварга Натур мед ноён багийн довтлогч Тамираагийн Хангал юм.

Түүний хувьд 2022-23 оны улирлын Үндэсний дээд лигийн нэгдүгээр тойргийн тоглолтуудад оролцоод, алс холыг зориж шинэхэн багтайгаа нэгдэхээр мордсон билээ.

Т.Хангал шинэ багтайгаа.
Гэрэл зургийг: https://www.facebook.com/themallkorat

Бидний зүгээс та бүхэндээ мэдээлэл хүргэхийг хичээж бэлтгэсэн мэдээллээ хүргэж байгааг хүлээн авна уу.

Багийн тухай

Багийн нэр Nakhon Ratchasima Huione QminC бөгөөд Тайландын аялал жуулчлалын том хотууд болох Bangkok, Chang Mai-н дараа эрэмблэгдэх Korat (Nakhon Ratchasima) хотын баг юм байна.

Амжилтуудаас сөхвөл:

  • Тус баг нь 18 дах улиралдаа үргэлжилж буй дээд лигтээ одоогоор 7 удаа түрүүлж, 3 удаа дэд байр, 2 удаа гутгаар байр эзэлжээ
  • Өнгөрсөн улиралд дотоодын лигээ гутгаар байраар, Азийн клубуудын АШТ-г 6-р байраар дуусгасан
  • Оргил амжилт Азийн клубуудын аваргын дөрөвдүгээр байр
  • Korat хотын төв их дэлгүүр үндсэн ивээн тэтгэгч бөгөөд мөн өнгөрсөн улирлаас шинэ ивээн тэтгэгч нэмэгдсэнээр нэрний төгсгөлийн Huione QminC нэмэгджээ
  • Шинэ улиралд хоёр гадаад тоглогч эгнээндээ нэгтгэсэний нэг нь манай Т.Хангал (Монгол), нөгөө нь Азизбек Кучкаров (Узбекистан) нэртэй тоглогч гэнэ
  • Одоогоор гадаад тоглогчдын хувийн дугаар тодорхой болоогүй
  • Хангал багийнхаа хамгийн өндөр 5 тоглогчийн нэг мөн насаар хамгийн залуу 4 тоглогчийн нэг
  • Хангалын шинэ нэгдсэн багийн эрэмбэ 159 (volleybox.net) бол Монголоос түүний унаган баг Натур Мед ноён 934, өнгөрсөн улирлын Үндэсний дээд лигийн дэд байр Хасу Мегастарс 1042 гэсэн эрэмбэтэй байна.

Тайландын лигийн тухайд:

  • Тайландын үндэсний лиг нэртэй ба 2005 оноос анх зохиогдож эхэлсэн, дундаа тасалдаагүй.
  • 2013-2019 онуудад Үндэсний лигээс гадна Супер лиг гэж тэмцээн давхар зохиож байгаад болисон
  • Үндэсний дээд лигт 8 баг хоёр тойрог (нэг баг 14 тоглолт) өрсөлддөг
  • Тоглолтууд үндсэндээ Бямба, Ням гаригийн амралтын өдрүүдэд өрнөдөг ба зарим тохиолдолд Лхагва гаригт тоглолттой байдаг
  • Лигийн тэмцээн ихэнхдээ аравдугаар сараас ирэх оны 3 сарыг дуустал болдог
  • 2022-23 оны улирал 2022.11.18-нд эхэлж 2023.02.25-нд дуусах хуваарьтай
  • Хангалын баг талбайдаа буюу Korat хотод ирэх нэгдүгээр сард лигийн тоглолтууд хүлээн авах урьдчилсан хуваарьтай байгаа гэсэн мэдээллүүд одоогоор оллоо.

Өвлийн амралтаараа Тайланд аялах бол волейболын лигийг нь сонирхож, Хангалыгаа дэмжээрэй. Багийн хөгжөөн дэмжигчдийн TikTok хаягийг дагахыг хүсвэл 👍

@nakhonratchasima.vc เสียงที่คิดถึงกลับมาแล้ว พบกันเร็วๆนี้สโมสรวอลเลย์บอล นครราชสีมา ฮุ่ยหว่าง คิวมินซี วีซี #volleyballthailandleague2022 #volleyballthailand #CatDevil #NakhonratchasimaHuioneQmincvc #Huione #คิวมินซี #CP #สำนักงานฉลากกินแบ่งรัฐบาล#สํานักงานฉลากกินแบ่งรัฐบาล๋ยตราไข่มุก ##ProudSugar##Eutanxix##Xixnature##ThemallKorat#Korat24HR ♬ เสียงต้นฉบับ – Nakhonratchasima VC.

Буруу зөрүү нэршил эсвэл алдаатай тоо мэдээлэл байх аваас залруулж өгөхийг волейбол сонирхогчдоосоо хүсье.

Киргизчүүд түрүүллээ

Азийн волейболын холбооны челленж цомын тэмцээн Киргизстан улсын Чолпон Ата хотод 7 өдрийн турш үргэлжилж амжилттай өндөрлөлөө.

Энэ удаагийн тэмцээнд эцсийн байдлаар дөрвөн баг өрсөлдсөн бөгөөд Монгол улсын шигшээ нийт таван тоглолтоос хоёр хожиж, гурав хожигдсон амжилттайгаар дөрөвдүгээр байрт жагслаа.

Челленж цомын тэмцээний хүснэгт

Нэг ч хожигдолгүй босоо явсан Саудын Арабын багийг талбай эзэд буулган авч алтан медалийн эзэн болсон бол Узбекистаны шигшээ хэсгийн тоглолтод хожигдсон хариугаа авч Монголын багийг хожсоноор хүрэл медалийн эзэд болсон юм.

Монгол улсын шигшээ баг

Шигшээ баг Киргизийг зорилоо

Азийн волейболын холбоо 2018 оноос эхлэн Челленж Цом-ын тэмцээний зохион байгуулж байгаа бөгөөд 3 дахь удаагийн тэмцээн 8 дугаар сарын 29-нөөс 9 дүгээр сарын 3-ны өдрүүдэд Киргиз улсын Чолпон-Ата хотод болно.

Тус тэмцээн хоёр жил тутамд зохиогддог ба анх 2018 онд Шри-Ланка улсын Коломбо хотноо зохиогдож манай улсын баг оролцож 8-р байрт шалгарч байсан.

Хоёр дахь удаагийн тэмцээн 2020 онд Киргиз улсад болох ч дэлхий дахинд үүсэн коронавирусын улмаас цуцлагдаж, 2022 онд 3 дахь удаагийн тэмцээний зохион байгуулагчийг хэвээр үлдээж ийнхүү маргааш дөрвөн багийн хооронд өрсөлдөөн эхлэхэд бэлэн болоод байна.

Форматын хувьд дөрвөн нэг тойрог тоглож, байрласан эрэмбээрээ 1-4, 2-3 хоорондоо тоглож хожсон хоёр баг аваргын төлөө, хожигдсон хоёр баг хүрэл медалийн төлөө тоглоно.

Гэрэл зургийг: Ууган-Эрдэнэ фотографи, МВХ пэйжээс авав

Аваргууд тодорлоо

Монголын волейболын залуучуудын холбооноос Монголын волейболын холбоотой хамтран зохион байгуулсан шинэ залуу тамирчдын бэлтгэлжилт, чанар чансааг сайжруулах зорилго бүхий “Б ЛИГ”-ийн тэмцээн хоёр сар гаран хугацаанд амжилттай үргэлжилж өндөрлөлөө.

Энэ удаагийн тэмцээнд нийт 12 баг өрсөлдсөн бөгөөд волейболын арвин түүхтэй улаанбаатар хотын клубуудээс гадна Сүхбаатар, Өмнөговь, Хэнтий, Дархан зэрэг бусад аймаг, хотуудаас залуу баг, тамирчид оролцсоноороо онцлогтой боллоо.

За ийнхүү нийт 85 тоглолтын эцэст Натур Мед Ноён баг ОБЕГ Аврагч багийг цувралын гурван тоглолтын эцэст буулган авч аваргаллаа.

Дэд байрт ОБЕГ Аврагч баг:

Гутгаар байрт Өмнөговь Шанх Транс баг:

Тэмцээний хаалтын ажиллагааг маргааш (2022.04.20) зохион байгуулж шагналт байрын багуудын медаль болон хувь тоглогчдын шилдэгийг шалгаруулж, шагнал гардуулах ажиллагаа болох юм байна.

Мэдэгдэл: Тоглолт хойшлогдох тухай

Монголын үндэсний дээд лигийн тэмцээн дуусаад удалгүй эхэлсэн залуучуудын “Б” лигийн аварга шалгаруулах тэмцээн амжилттай үргэлжилж байгаа билээ.

Баг, тамирчдын бэлтгэлжилтийг тогтвортой байлгах, ирээдүй залуу үеийг бэлтгэн тодруулах, волейбол сонирхогчдын цар хүрээг тэлэх, тус спортыг сурталчлах зэрэг олон зорилго агуулсан тус тэмцээнийг Монголын Волейболын Залуучуудын Холбоо (МВЗХ) зохион байгуулж, манай статистик бүртгэлийн баг хамтран ажиллаж байна.

Лиг нэг бүтэн тойрог үргэлжилж, дараагийн хасагдах шатанд найман баг үлдэх ба одоогоор тус тэмцээн яг талдаа орж, багууд хуваарийн дагуу зургаа тоглоод байгаа юм.

Харин зохион байгуулагчдын зүгээс хуваарьт өөрчлөлт орж, тоглолт хойшлогдож буй тухай мэдээллийг бидэнд ирүүлсэнийг уншигч та бүхэнд хүргэж байна.


МЭДЭГДЭЛ

“Б” лигийн тэмцээний 2022.02.26,27-ны өдрүүдийн тоглолтууд зайлшгүй нөхцөл байдлын улмаас хойшлогдож буйг мэдэгдье.

2022.03.05-ны өдрөөс эхлэн урьдын адил хэвийн үргэлжлэх болно.

Гэнэтийн нөхцөл байдалд хүргэж, хуваарьт өөрчлөлт орж буйд нийт баг, тамирчид, ивээн тэтгэгч байгууллагууд болон хөгжөөн дэмжигч та бүхнээс хүлцэл өчье.


Одоогоор тус тэмцээнийг зургаан тоглолтын дараах байдлаар 100 хувийн амжилттайгаар ХИЛЧИН АЛТАЙН БАРС баг тэргүүлж байна.

"Б" ЛИГ багуудын мэдээлэл

БайрБагТХ+Х-О+О-Оноо
117125452624.0
218126443222.5
316115412321.5
41394362119.0
51385332515.5
61284312515.5
71266262612.5
817611314211.5
9103714237.0
10113818276.5
1110195272.5
129090270.0

Тоглогчдын хувийн амжилтаас сонирховол (зарим багууд тоглолт дутуу байгааг анхаарна уу!):

Нийт авсан оноо болон шууд оноо болгосон довтолгооны тоогоор ӨМНӨГОВЬ ШАНХ ТРАНС багийн довтлогч Т.Тэмүүгэн,

#
15
Нэр
Т. ТЭМҮҮГЭН
Иргэншил
mngМонгол
Байрлал
Довтлогч
Өндөр
185
Жин
80
Цол, зэрэг
1-р зэрэг
Дов д/х
320
Хаалт д/х
315
Одоогийн баг
ШАНХ ТРАНС, ӨМНӨГОВЬ
Тэмцээн
U21 АШТ - Эрэгтэй, "Б" ЛИГ
Улирал
2022, 2023
Нас
20

Нийт давуулалтаас авсан оноогоор ХИЛЧИН АЛТАЙН БАРС багийн Э.Мөнхчуулга,

#
11
Нэр
Энхбаяр МӨНХЧУУЛГА
Иргэншил
mngМонгол
Байрлал
Довтлогч
Өндөр
191
Жин
79
Цол, зэрэг
1-р зэрэг
Дов д/х
310
Хаалт д/х
300
Одоогийн баг
ХИЛЧИН
Тэмцээн
"Б" ЛИГ
Улирал
2022
Нас
22

Нийт хаалтаар ХИЛЧИН АЛТАЙН БАРС багийн хаагч О.Сумъяабазар,

#
1
Нэр
Отгонцэцэг СУМЪЯАБАЗАР
Иргэншил
mngМонгол
Байрлал
Хаагч
Өндөр
192
Жин
80
Дов д/х
315
Хаалт д/х
305
Одоогийн баг
ХИЛЧИН, ХИЛЧИН
Тэмцээн
"Б" ЛИГ, ДЭЭД ЛИГ
Улирал
2022, 2023
Нас
22

Хамгийн олон алдаа бүртгүүлсэн тоглогчоор НАТУР МЕД НОЁН багийн довтлогч М.Тэмүүжин нар тус тус бүх тоглогчдыг тэргүүлж байгаа юм.

#
9
Нэр
Мөнхбаатар ТЭМҮҮЖИН
Иргэншил
mngМонгол
Байрлал
Довтлогч
Өндөр
190
Жин
78
Цол, зэрэг
1-р зэрэг
Дов д/х
329
Хаалт д/х
313
Одоогийн баг
НАТУР МЕД
Өмнөх баг
НАТУР МЕД
Тэмцээн
"Б" ЛИГ, ДЭЭД ЛИГ
Улирал
2022, 2023
Нас
27

“Б” лигийн тоглолтын хуваарь гарлаа

Монголын волейболын залуучуудын холбооноос санаачлан анх удаагаа зохион байгуулж буй “Б” лигийн тэмцээнд нийт 12 баг мэдүүлэгээ өгч оролцохоор болсон.

Зохион байгуулагчдын зүгээс тоглолтын хуваарийг урьдчилсан байдлаар гаргаснаа зарлалаа.

Ийнхүү 2022 оны хоёрдугаар сарын 5-ны өдөр эхлэх лигийн тэмцээний нээлтийн тоглолт саяхан болж өнгөрсөн дээд лигийн аварга НАТУР МЕД НОЁН, RKH багуудын хооронд болохоор боллоо.

Мэдээлэл

Огноо

Мөн Сүхбаатар аймгийн СҮХБААТАР МОЛОР-ШАНДАС баг хүндэтгэх шалтгааны улмаас хоёрдугаар сарын 15-ны өдрөөс тоглолтоо эхлүүлэхээр болж, тус багийн тоглолтуудыг түр хойшлуулсан юм.

ЛИГИЙН ТОГЛОЛТЫН ХУВААРЬ

Тоглолтын хуваарьт явц дунд өөрчлөлт орж магадгүй бөгөөд өөрчлөлт орсон даруйд шинэчлэгдэх болно.

Хуваарь

ОгнооТоглолтТалбай